Бразилия терма жамоасининг собиқ футболчиси Робиньо Бразилиядаги суд жараёнидан бир неча кун олдин сукутини бузди ва Италияда зўрлаш учун ҳукм қилингани ҳақида гапирди.
"Агар оқ танли италияликга қарши айбловлар қўйилганда, ҳаммаси бошқача бўларди. Менда кўп далил борлигини ҳисобга олсам, мен судланмаган бўлардим", — деди Робиньо Calciomercato билан суҳбатда.
20 март, чоршанба куни Бразилия Олий суди Робиньонинг 9 йиллик қамоқ жазосини Италияда ўташи ёки ўз ватанида қолиши ҳақида қарор қабул қилади.
Эслатиб ўтамиз, 2022 йил февраль ойида Италия жамоавий зўрлашда айбланган бразилиялик собиқ футболчини ҳибсга олиш учун халқаро ордер берган эди. Воқеа 2013 йилда содир бўлган ва суд жараёни 2017 йилда давом этган.
