"Наполи" ҳимоячиси Жуан Жезус А Сериясида "Интер"га қарши ўйинда (1:1) Франческо Ачерби билан бўлган можаро ҳақида гапирди. Неаполликлар футболчиси ҳакамга "нерадзурри" футболчиси уни "нигер" деб атаганидан шикоят қилди.

"Майдонда содир бўлаётган нарса майдонда қолади. Ачерби кечирим сўради, биз давом этишимиз мумкин. Ҳакам ҳуштак чалса, ҳаммаси тугайди.

Ачерби яхши йигит эканлигини биламан. У узр сўради, чунки у ўзининг баъзи сўзлари билан бироз ҳаддан ташқари кетганини тушунди. У ақлли йигит, шунинг учун умид қиламанки, у бундан сабоқ олади ва бошқа бундай қилмайди" - деди Жезус DAZN нашрига.

А Сериянинг 29-тури доирасида "Интер" "Наполи" билан ўйнаганида "Ирқчиликка йўл қўйманг" кампаниясини ўтказган эди.