Сербия терма жамоаси устози Драган Стойкович "Рома"нинг асосий дарвозабони Миле Свиларнинг жамоа сафига чақирилишдан бош тортганига изоҳ берди.
"Биз ҳеч нарсани йўқотганимиз йўқ, бу унинг қарори, тафсилотларга тўхталмайман, бу шахсий масала. Келинг, унга фаолиятида яхши ўйнашига имконият берайлик", - деди Стойкович Telegraf.rs билан суҳбатда.
Эслатиб ўтамиз, ушбу март ойидаги халқаро танаффусда Сербия терма жамоаси 21 март куни Россия терма жамоасига, 25 март куни эса Кипр терма жамоасига қарши майдонга тушади.
Евро-2024да серблар Англия, Дания ва Словения терма жамоалари билан бир гуруҳда ўйнайди. Сербия жамоасининг асосий дарвозабони "Торино" футболчиси Ваня Милинкович-Савич ҳисобланади.
