Ҳимоячи Жоау Канселу Пеп Гвардиола билан муносабатлари ҳақида гапирди. Аввалроқ португалиялик испаниялик мураббий билан можаро туфайли "Манчестер Сити"ни тарк этгани ҳақида хабар берилганди. Канселу айни дамда "Барселона"да ижара асосида ўйнамоқда.
“Биз келиша олмайдиган нарсалар бор. Лекин ҳамма нарсада келишиб олишимиз шарт эмас. Мен рози бўлмаган нарсалар бор эди. Ёки у айтган гапимга рози бўлмади, тамом. Лекин мен хафа эмасман, аксинча миннатдорман. Ҳаёт давом этмоқда, мен "Барселона"да бахтлиман. Умид қиламанки, клубда молиявий қийинчиликлар бўлса-да, қоламан”, - дейди Канселу.
2023/2024 йилги мавсумда Жоау Канселу 32 та ўйин ўтказди. Уларда португалиялик футболчи тўртта гол урди ва шерикларига тўртта голли узатма берди.
