Бир неча кун аввал хабар берганимиздек, МЛС жамоаси Оливье Жируга қизиқиш билдирганди. Бу ҳақда Италиянинг нуфузли La Gazette Dello Sport нашри хабар бермоқда.
Манбага кўра, Жируни АҚШга кўчиб ўтишга унинг дўсти Златан Ибраҳимович ҳам ундамоқда, у илгари Америкада ўйнаган, кейин эса Европага қайтган. МЛСда ўйнаш Жируга, айниқса, оилавий аҳволи ва тўрт нафар фарзандини ҳисобга олган ҳолда, фаолиятининг охирида яхши пул ишлаш имконини беради.
Оливье Жиру 2021 йилдан бери “Милан”да ўйнамоқда; у аввал Лондоннинг “Арсенал” ва “Челси” клубларида Англия Премьер-лигасида кўп йиллар ўйнаган.
