"Тоттенхэм" ҳужумчиси Тимо Вернер ўзининг ҳозирги жамоасида ўзини жуда қулай ҳис қилмоқда. Журналист Флориан Плеттенберг берган маълумотларга кўра, немис футболчиси "шпорлар" лагерида узоқ муддат қолишни истамоқда.
Анге Постекоглу жамоаси ҳужумчини 17 миллион еврога сотиб олиш имкониятига эга. Манбанинг қайд этишича, Вернер “РБ Лейпциг”га қайтиш ниятида эмас.
“Қизил буқалар” раҳбарияти ҳам футболчи билан доимий равишда хайрлашмоқчи. Англия премьер-лигасининг жорий мавсумидаги 8 та ўйинда Вернер иккита гол ва иккита голли узатмани амалга оширди.
