Пау Кубарси "Барселона"да ўйнаш у учун нимани англатишини айтди.

"Бу клубининг футболкасини кийиш - ҳақиқий ғурур манбаи. Лекин майдонга чиққанимда ёшим ҳақида ўйламайман.

Мен ўзимни жамоага ёрдам бермоқчи бўлган навбатдаги кучли футболчидек ҳис қиляпман ва боримни беришга ҳаракат қиламан.

"Барса"да ўйнаганингизда доимо сизда қўшимча босим бўлади, чунки бу футболкани кийиш дунёдаги энг муҳим нарсалардан биридир. Биз босим остида ўйнаймиз, лекин менимча, бу бизни яхшироқ қилади.

Мен доим Пуйол ва Пикени кумирим деб атаганман. Пуйол менга майдонда ва ундан ташқарида ишонч, амбиция ва характер беради.

У барчага ўрнак бўлиши керак. Пике бошқача инсон. Мен уни болалигимда телевизорда ўйнаганини кўрганман ва унинг услуби жуда ёқарди.

Бизда жуда аҳил жамоа бор. Роналд Араухо менга айниқса ёрдам беради ва Жоау Канселу энг қизиқарли ўйинчилардан бири", - деди "Барселона"нинг 17 ёшли ҳимоячиси.