"Бавария" бош директори Ян-Кристиан Дризен бош мураббий Юлиан Нагельсманнинг клубга қайтиши мумкинлиги ҳақидаги саволга жавоб берди.

Немис мураббийи Мюнхен клубидан 2023 йилнинг баҳорида ишдан бўшатилганди - ўшанда унинг ўрнини жорий мавсум охирида ўз лавозимини тарк этадиган Томас Тухель эгаллаган.

Айни дамда Германия терма жамоаси бош мураббийи бўлиб ишлаётган Нагельсманн Евро-2024 якунида, амалдаги шартномаси якунига етганидан сўнг қўйиб юборилиши мумкин.

"Нагельсманннинг қайтиши? Ўйлайманки, бошқалар аллақачон футболда ҳеч нарсани инкор этиб бўлмайди, деб айтишган. Аммо бу бугунги куннинг мавзуси эмас, келажак масаласидир", - дея Дризеннинг сўзларини келтиради журналист Максимилиан Кох.