"Бавария" Альфонсо Девиснинг талабларини қондиришга тайёр эмас.
Bild хабарига кўра, мюнхенликлар чап қанот ҳимоячисига 2029 йилгача мўлжалланган янги шартнома бўйича солиқларсиз 13-14 миллион евро таклиф қилмоқда. Бу охирги таклиф ва ҳеч қандай ўсиш бўлмайди. Шу билан бирга, Дэвис 20 миллион талаб қилмоқда.
Аввалроқ, футболчи трансфер бўйича "Реал" билан келишиб олгани ҳақида маълумотлар пайдо бўлганди.
"Айтишим мумкинки, биз Альфонсога жуда аниқ, қиммат таклиф билан чиқдик. Ҳаётнинг қайсидир палласида “ҳа” ёки “йўқ” дейишга тўғри келади”, деди “Бавария”нинг янги спорт директори Макс Эберль.
Альфонсо Девиснинг "Бавария" билан шартномаси 2025 йилгача мўлжалланган.
