"Бавария" бошқарув кенгаши аъзоси Макс Эберль Альфонсо Дэвиснинг шартномаси билан боғлиқ вазият ҳақида гапирди.
Чап қанот ҳимоячисининг мюнхенликлар билан шартномаси 2025 йилнинг ёзида якунига етади. "Реал Мадрид" канадалик футболчига қизиқиш билдирмоқда ва миш-мишларга кўра, ушбу трансферни жорий мавсум охирида якунлашни режалаштирмоқда.
“Биз Дэвис билан анчадан бери музокаралар олиб бордик, бироқ ўтган ёзда мунозаралар тўхтаб қолди. Биз бу борада ишлашда давом этамиз.
"Реал" биз билан боғланмади. Айтишим мумкинки, биз Альфонсога жуда аниқ ва муносиб таклиф билан чиқдик. Эртами-кечми, "ҳа" ёки "йўқ" дейиш керак бўлган вақт келади", деди Эберль.
