Маълумотларга кўра, "Лидс Юнайтед" шу ёзда Шон Лонгстафф учун 15 миллион фунт тўлашга тайёр.
У Эдди Хау клубга тайинланганидан бери "Ньюкасл Юнайтед" учун доимий футболчига айланган. Кўпчилик Лонгстаффни бу мавсумда кам ўйнашини кутганди, аммо оғир жароҳатлар рўйхати ва Сандро Тоналининг дисквалификацияси унга ўйин вақтини берди.
Лонгстафф 12 декабрдан бери Премьер-лиганинг ҳар бир ўйинини асосий таркибда бошлади, асосан Бруно Гумарайнш ва Льюис Мэйли билан бирга ўйнади.
Эслатиб ўтамиз, "қарғалар" ўз футболчиси учун 15 миллион фунт сўрамоқда.
