"Арсенал" футбол клуби япониялик футболчи Такехиро Томиясу билан шартномани узайтирганини эълон қилди.
Қайд этилишича, ҳимоячи узоқ муддатли шартнома имзолаган.
Эслатиб ўтамиз, аввалроқ Такеҳиро келажагини 2028 йилнинг июнь ойи охиригача "канонирлар" билан боғлаши ҳақида маълумотлар пайдо бўлганди.
Томиясу 2021 йилда «Болонья»дан «Арсенал»га ўтган эди.
Жорий мавсумда ҳимоячи “канонирлар” сафида барча мусобақаларда 20 та ўйин ўтказиб, битта гол ва 3 та голли узатмага муаллифлик қилган.
Нуфузли Transfermarkt интернет порталига кўра, футболчининг тахминий нархи 30 миллион еврони ташкил қилади.
