"Барселона"нинг собиқ футболчиси Дани Алвес 1 миллион евро гаров эвазига қамоқдан озод этилишга яқин.
Барселона суди чоршанба куни тегишли қарорни қабул қилди.
Эслатиб ўтамиз, Алвес аввалроқ тўрт ярим йил қамоқ жазосига ҳукм қилинганди - у зўрлашда айбдор деб топилганди.
Шов-шувли воқеа 2022-йил охирида Барселонадаги тунги клубда содир бўлган. Алвес апелляция берди ва уни кўриб чиқиш жараёнида собиқ футболчи гаров эвазига озодликка чиқиши мумкин. Олдинроқ Алвес испан адлиясидан қочмоқчи эмаслигини маълум қилганди.