Каталониянинг "Барселона" клуби спорт директори Декунинг айтишича, жамоа ҳали янги мураббий таклиф қилишга уринмаган.
"Блауграна"нинг амалдаги бош мураббийи Хави Эрнандес мавсум охирида ўз лавозимини тарк этиши керак.
“Биз янги мураббий топиш бўйича ҳали ҳеч қандай чора кўрмадик. Ҳозирча ҳеч қандай мутахассис билан мулоқот қилганимиз йўқ. Бироқ, биз кимлар мавжудлигини биламиз ва биз бу одамларга эътибор берамиз ", - деди функционер.
"Барселона" Хавини камида яна бир мавсум қолишга кўндиришга уриниши мумкинлиги ҳақида аввалроқ хабар берилган эди. Кўп нарса жамоанинг мавсумни қай даражада якунлашига боғлиқ.
