Италия терма жамоаси дарвозабони Жанлуижи Доннарумма Жанлуижи Буффоннинг жамоага ҳиссаси ҳақида гапирди.
"Скуадра Адзурра"нинг афсонавий собиқ дарвозабони ўтган ёздан бери терма жамоа координатори лавозимида ишлаб келаётганди.
“Буффон менга жуда ёрдам берди, мен уни футбол тарихидаги энг яхши дарвозабон деб биламан. Унинг биз билан бўлиши муҳим, у Италия терма жамоаси учун жуда фойдали. Гап доимо тингланадиган буюк раҳбар ҳақида кетмоқда. Биз у билан ишлаётганимиздан жуда фахрланамиз, у келажакда бизга ёрдам беради”, деди “ПСЖ” дарвозабони 22 март куни Италиянинг Венесуэлага қарши ўртоқлик ўйини олдидан Sky Sport нашрига берган интервьюсида.
