Мадриднинг “Реал” клуби ҳужумчи Родриго билан хайрлашмоқчи эмас.
Бразилиялик футболчи янги мавсумдан бошлаб жамоага қўшиладиган Килиан Мбаппенинг келиши туфайли "Лос-Бланкос"нинг асосий таркибидаги ўрнини йўқотиши мумкин. Transfer News Live нашрининг Diario Sport нашрига таяниб хабар беришича, "Реал" Мбаппе билан шартнома имзолаганига қарамай, Родригони дахлсиз деб билади.
23 ёшли бразилиялик футболчига "Манчестер Юнайтед" ва Англия Премьер-лигасининг бошқа гигантлари қизиқиш билдирмоқда. Transfermarkt портали форварднинг нархини 100 миллион еврога баҳоламоқда.
Жорий мавсумда Родриго Карло Анчелотти жамоаси сафида 41 учрашувда 13 та гол урди ва 8 та голли узатмани амалга оширди.
