"Бенфика"нинг иқтидорли ярим ҳимоячиси Жоау Невеш кўпроқ клублар эътиборини тортмоқда. O Jogo хабарига кўра, 19 ёшли футболчига Европанинг бешта суперклуби "Манчестер Юнайтед", "Челси", "Ливерпуль", "Бавария" ва "ПСЖ" жиддий қизиқиш билдирмоқда.
Невешнинг "Бенфика" билан амалдаги шартномасида сотиб олиш суммаси 120 миллион еврони ташкил қилади. Манбага кўра, лиссабон бургутлари футболчи билан янги шартнома имзолашни ва товон пулини 150 миллионга оширишни кутмоқда.
2023/2024 йилги мавсумда Жоау Невеш 45 та ўйинда иштирок этган. Уларда ярим ҳимоячи иккита гол урди ва иккита голли узатмани амалга оширди.
