"Пари Сен-Жермен" ҳужумчиси Гонсалу Рамуш "Милан"га таклиф қилинди.
Португалиялик футболчи Парижга мослашишда қийинчиликларни бошдан кечирмоқда, бу унинг келаётган ёзда кетишига сабаб бўлиши мумкин.
Calciomercato хабарига кўра, агент Хорхе Мендеш Рамушни Оливье Жиру ўрнига "Милан"га ижарага бериш ниятида.
37 ёшли франциялик футболчининг “россонерилар” билан шартномаси мавсум охирида якунига етади ва форвард ўз фаолиятини МЛСда давом эттириш ҳақида жиддий ўйламоқда.
Гонсалу Рамуш бу мавсумда "ПСЖ" сафида 30та ўйинда майдонга тушиб, 9та гол ва 1та голли узатмага муаллифлик қилган.
"Атлетико Мадрид" ҳам қизиқиш билдираётган 22 ёшли футболчининг нархи 50 миллион еврога баҳоланмоқда.
