Пайшанба куни Transfermarkt портали саҳифаларида Испания чемпионатида ўйнаётган баъзи футболчиларнинг нархлари янгиланди. Бу борада энг юқори натижа эса “Барселона” ҳимоячиси Пау Кубарси бўлди.
Агар илгари у 1,5 миллион еврога баҳоланган бўлса, ҳозир Кубарси 25 миллион евро туради. Мунтазам ўйнашни бошлаган Кубарси 1566,7% га қимматлашди!
Сўнгги янгиланиш натижаларига кўра Ла Лиганинг энг қиммат футболчилари рейтингида иккинчи ўринни Саму Омородион эгаллади. “Алавес” форвардининг нархи 20 миллионга қимматлашди ва ҳозир 40 миллион еврога баҳоланмоқда.
Кучли учликни “Барселона”дан Ламин Ямаль (янги нарх – 75 миллион евро) ва “Реал”дан Браим Диас (35 миллион евро) якунлаб турибди. Ҳар икки футболчининг нархи 20 миллионга ошган.
