"Реал Сосьедад" ва Испания терма жамоаси ярим ҳимоячиси Микель Мерино футбол мухлисларининг ҳақоратлари ҳақида ўз фикри билан ўртоқлашди.
Футболчининг фикрича, футболда ҳақорат бўлмаслиги керак, шунда идеал муҳит бўлади. Бироқ, ҳозирда ирқий сабабларга кўра камситиш кузатилмоқда, бу эса футболнинг салбий жиҳати ҳисобланади, деб хабар беради Marca.
"Мухлислар футболдан ўз манфаатлари йўлида фойдаланадилар. Улар ҳакамларни, рақибларни, ўз футболчиларини ҳақорат қиладилар, ўз жамоасини қўллаб-қувватламайдилар", — деди терма жамоа ярим ҳимоячиси.
