Тимо Вернер “Тоттенхэм”да қолмоқчи. 28 ёшли ҳужумчи қишки трансфер ойнасида Лондон клубига "Лейпциг"дан ижарага олинганди.

Тахминларга кўра, "Тоттенхэм" 14 июнь куни Европа чемпионати бошланишидан олдин Вернерни немис клубидан арзонлаштирилган нархда сотиб олиш имкониятига эга. Бу ҳолатда футболчининг сотиб олиш нархи 14,5 миллион фунтни ташкил қилади.

Қайд этилишича, “Тоттенхэм” шу ёзда ҳужумчи излаб трансфер бозорига кириши мумкин, лекин Вернерни ҳам сақлаб қолиши мумкин. Айниқса, Саудия клубларининг Ришарлисонга бўлган қизиқиши аниқ таклифга сабаб бўладиган вазиятда.

Жорий мавсумда ҳужумчи Премьер-лигада 8 та ўйинда майдонга тушиб, 2 та гол урди ва 2 та голли узатмани амалга оширди.