Мадриднинг "Реал" клуби ўзининг франциялик футболчиларини Парижда бўлиб ўтадиган Олимпиада ўйинларига қўйиб юбормасликка қарор қилди. Бу ҳақда Sport.es хабар бермоқда.
Манбага кўра, бу қарор ҳужумчи Килиан Мбаппега ҳам таъсир қилиши мумкин, сўнгги маълумотларга кўра, у аллақачон Мадрид клуби билан шартнома имзолаган. Шу билан бирга, футболчининг ўзи ҳам уйдаги Олимпиадада қатнашиш ниятида.
Манба таъкидлаганидек, агар "Реал Мадрид" Мбаппега ён бермаса, Франция президенти Эммануел Макрон шахсан бу вазиятга аралашиб, "Лос-Бланкос"ни 25 ёшли ҳужумчини Олимпиада ўйинларига қўйиб юборишга кўндириши мумкин.
2024 йилги ёзги Олимпиада ўйинлари 26 июлдан 11 августга қадар ўтказилиши режалаштирилган.