Жоан Лапорта "Барселона" ҳеч қандай мураббий билан музокара олиб бормаётганини айтди.
"Менга Луис Энрике жуда ёқади, унинг характери бор, у жуда яхши, жуда мустақил инсон, менга шундай одамлар ёқади. Лекин биз Луис ёки бошқа биров билан мулоқот қилмадик, чунки биз Хавини ҳурмат қиламиз.
Сиз айтасиз: майли, қарор қабул қилинди, бу ҳақда барча мураббийларнинг агентлари айтиб беришяпти. Мен жавоб бераман, ким "Барселона"га ўтишни хоҳласа, охирги дақиқагача кутиши керак, чунки Хави қарор қабул қилмагунча, биз ҳеч нарсага тегмаймиз.
Агар у кетишга қарор қилса, "Барселона"га ўтишни чиндан ҳам ҳоҳлаганлар кутишга тўғри келади. Ва улар кутишади. Агар улар кутишмаса, ҳеч нарса бўлмайди", - деди "Барселона" президенти.
