“Милан” ва Франция терма жамоаси ҳужумчиси Оливье Жиру Олимпиада ўйинларида иштирок этишга тайёрлигини айтди. Франция олимпия терма жамоаси мураббийи Тьерри Анри турнирда 23 ёшдан ошган учта футболчини олиб келиши мумкин. Улардан бири Жиру бўлиши мумкин.
"Олимпия ўйинлари? Мен Анрининг ўрнини эгаллашни истамайман, лекин ўйлайманки, Антуан Гризманн ва Килиан Мбаппе билан ўйнаш яхши бўларди. Бу мумкинми? Бу бошқа савол”, деди Франция терма жамоаси сафида 129 та ўйинда 56 та гол урган 37 ёшли форвард.
Футбол бўйича Олимпия ўйинлари жорий йилнинг июль ойидан августигача Францияда бўлиб ўтади.
