"Барселона" президенти Жоан Лапортанинг фикрича, марказий ҳимоячи Рональд Араухо яқин келажакда жамоани тарк этмайди.
Уругвайлик футболчи "Бавария"нинг узоқ йиллик трансфер мақсади ҳисобланади. Мюнхенликлар, баъзи маълумотларга кўра, 25 ёшли футболчини январ ойида сотиб олишга уринган ва ёзда янги таклиф билан қайтишни режалаштирган.
"Ишончим комилки, Рональд "Барселона"да қолади. Кўпчилик клубимизни қийин молиявий аҳволда деб ўйлайди, аммо ҳозир ҳаммаси анча яхши бўлди", - деди Лапорта.
Марказ ҳимоячисининг "Барселона" билан шартномаси 2026 йилгача мўлжалланган.
