Каталониянинг "Барселона" клуби ҳужумчи Жоау Феликсни сақлаб қолишдан манфаатдор, бироқ португалиялик футболчининг тўлиқ трансферини амалга ошира олмайди. Diario Sport хабарига кўра, "блауграна" футболчини максимал 30 миллион еврога сотиб олиш имконияти билан қайта ижарага олишни режалаштирмоқда.
Мадридликлар бу вазиятдан қониқмаяпти. “Матрасчилар” раҳбарияти Феликснинг сотувидан тахминан 65 миллион евро ишлаб олишни режалаштирган.
Жорий мавсумда 24 ёшли форвард Испания чемпионатида 22 та ўйинда майдонга тушди. Жоау олтита гол урган ва иккита голли узатмага эга.
