Нидерландиянинг “Фейеноорд” клуби мексикалик ҳужумчиси Сантьяго Хименес Италия чемпионатига ўтиши мумкин. Ҳужумчининг хизматларига "Наполи" қизиқиш билдирмоқда.
Неапол клуби Европа футболининг кўплаб гигантлари сотиб олмоқчи бўлган нигериялик Виктор Осимхенга муқобил сифатида Сантьяго номзодини кўриб чиқмоқда. Хименеснинг трансфер нархи 50 миллион еврога баҳоланмоқда.
22 ёшли ҳужумчи Нидерландия чемпионатининг жорий мавсумида 25 та ўйин ўтказди. Хименес 21 та гол ва 4 та голли узатмани амалга оширди.
