Қишки трансфер ойнасида ярим ҳимоячи Донни ван де Бек "Манчестер Юнайтед"дан "Айнтрахт"га кўчиб ўтди.

Немис клуби 26 ёшли нидерландиялик футболчини кейинроқ сотиб олиш ҳуқуқи билан мавсум охиригача ижарага олди.

Bild журналистларига маълум бўлишича, "Айнтрахт" Ван де Бекни 8,5 миллион фунт стерлингга сотиб олиш вариантини фаоллаштирмасликка қарор қилган.

Германияга кўчиб ўтган Донни ван де Бек Франкфуртнинг "Айнтрахт" жамоасида олтита ўйинда майдонга тушди.

Уларда ярим ҳимоячи самарали ҳаракатлари билан кўзга ташланмади. Эслатиб ўтамиз, ван де Бек жамоанинг Европа лигаси учун қайдномасига киритилмаган.