"Байер" футболчиси Флориан Вирц "Бавария" ҳужумчиси Жамол Мусиала билан яхши муносабатда эканлигини айтди.
“У билан мен майдонда ҳам, майдондан ташқарида ҳам жуда яхши муносабатда. Афсуски, ўйинлар сони кўп бўлгани учун у билан тез-тез учраша олмаяпмиз, лекин телефонда гаплашиб, ёзишиб турамиз. Тўғри, ўйин услубимиз ўхшаш. Бизнинг ўхшашлигимиз туфайли рақибларимизга қийинроқ бўлади", - дейди Вирц.
Вирц ва Мусиала Германия терма жамоасида бирга ўйнашади. 23 март куни Франция билан назорат ўйинида футболчилар самарали ҳаракат қилишди. “Байер” футболчиси гол урди, Мусиала эса голли узатмани амалга оширди.
