"Интер" ярим ҳимоячиси Николо Барелла ўз фаолиятида биринчи марта Италия терма жамоасида сардорлик боғичини олди. У жамоа сафида 52 та ўйин ўтказган.
Терма жамоа Эквадорга қарши ўйинда 2:0 ҳисобида ғалаба қозонди, Барелла битта гол урди.
Эслатиб ўтамиз, анъанага кўра сардорлик боғичлари миллий терма жамоада асосий таркибда энг кўп ўйин ўтказган кишига берилади. Айни пайтда бу дарвозабон Жанлуижи Доннарумма - 60 та ўйин.
Доннарумма дам олгани ва унинг ўрнида Лондоннинг "Тоттенхэм" клуби дарвозабони Гульелмо Викарио ўйнагани учун Барелла сардор бўлди.
Николо "Арсенал" ярим ҳимоячиси Жоржиньодан бир марта кўпроқ ўйнаган.
