“Наполи” ҳужумчиси Виктор Осимхен келаси ёзги трансфер ойнасида Италия клубини тарк этиш ниятида, дея хабар бермоқда журналист Руди Галетти.
Манбага кўра, 25 ёшли форвард "Челси"га ўтишни режалаштирган.
Аввалроқ, La Gazette Dello Sport неаполликлар клуби унинг учун 110-130 миллион евро ишлаб олмоқчилиги ҳақида хабар берганди.
Жорий мавсумда нигериялик футболчи 24 та ўйинда майдонга тушиб, 13 та гол урди ва 4 та голли узатмани амалга оширди. Футболчининг "Наполи" билан шартномаси 2026 йилнинг июнь ойи охиригача амал қилади. Transfermarkt портали футболчининг нархини 110 миллион еврога баҳолаган.
