"Манчестер Юнайтед"нинг хўжайини Жим Рэтклифф ярим ҳимоячи Скотт Мактоминейнинг ўйинларидан ҳайратда қолди. "Қизил иблислар" раҳбарининг фикрича, Макоминай келажакда жамоанинг асосий ўйинчисига айланиши мумкин.
Натижада, клуб шотландиялик футболчига маошини оширган ҳолда янги шартнома таклиф қилишга тайёр. 27 ёшли Мактоминайнинг амалдаги шартномаси "Манчестер Юнайтед" билан 2025 йилнинг ўрталарига қадар мўлжалланган.
Жорий мавсумда ярим ҳимоячи 34 та расмий ўйинда майдонга тушиб, 9 та гол урди ва шериклари учун 3 та голли узатмани амалга оширди.