"Севилья" ва "Барселона"нинг собиқ ҳимоячиси, бразилиялик футболчи Дани Алвес 1 миллион евро эвазига қамоқдан озод этилди.

Эслатиб ўтамиз, аввалроқ Алвеслар оиласи 1 миллион евро миқдорида кредит олишни режалаштираётгани ҳақида маълумотлар пайдо бўлган эди.

Ўтган йилнинг январь ойида 40 ёшли Дани Алвес Барселонадаги “Саттон” тунги клубида бир қизни зўрлаганликда айбланган эди.

20 январь куни собиқ футболчи ҳибсга олинди. Кейинчалик бразилиялик 4,5 йиллик қамоқ жазосига ҳукм қилинди, шунингдек, жабрланувчига маънавий товон сифатида 150 минг евро тўлашга мажбур бўлди.

Шу билан бирга, Испания прокуратураси Алвесни кўпроқ вақт ҳибсда қолиши керак деб ҳисоблаб, суд қарори устидан шикоят қилишни режалаштирганди.