Каталониянинг "Барселона" клуби шартномаси "Манчестер Сити"га тегишли бўлган португалиялик ҳимоячи Жоау Канселуни жамоада сақлаб қолмоқчи. Бу ҳақда журналист Луис Рохо хабар бермоқда.
Манбага кўра, "Барселона" ҳозир Канселуни сақлаб қолиши мумкин бўлган турли вариантларни қидирмоқда. Қайд этилишича, клуб 29 ёшли футболчининг ижара муддатини яна бир мавсумга узайтиришни режалаштирган.
Ушбу мавсумда Канселу барча мусобақаларда 32 та ўйинда майдонга тушиб, 4 та гол урди ва 4 та голли узатмани амалга оширди.
Transfermarkt портали маълумотларига кўра, футболчининг нархи 30 миллион еврога тенг.
