Норвегия терма жамоаси бош мураббийи Столе Сольбаккен "Манчестер Сити" - "Арсенал" учрашуви ҳақида гапирди.
26 март куни норвегияликлар Словакияга қарши ўртоқлик учрашуви ўтказади. Унда Эрлинг Холанд ва Мартин Эдегор иштирок этади.
Ўтган ҳафта бошида ҳужумчининг оёғида муаммо борлиги хабар қилинганди, бироқ у 22-куни Чехияга қарши ўйинда 75 дақиқа ҳаракат қилди.
"Мен "Манчестер Сити" - "Арсенал" учрашувини ортиқча ҳисобга олиб ўтирмайман. Ақл-идрокдан бошқа нарсани ҳисобга олмайман.
Учрашувга беш кун қолди. Мен иккала футболчи билан ҳам гаплашдим. Иккаласи ҳам ўйнашни хоҳлайди. Ўйлайманки, бундан хурсанд бўлишимиз керак", - деди Сольбаккен.