Яқинда Римнинг “Лацио” клуби бош мураббийи лавозимини тарк этган италиялик мураббий Маурицио Сарри Англия Премьер-лигасидан таклиф олди. Бу ҳақда журналист Алфредо Педулла хабар бермоқда.
Инсайдер хабарига кўра, "Ноттингем Форест" мураббий билан шартнома имзолашдан манфаатдор. "Ўрмончилар" Маурициога уч йиллик меҳнат шартномасини таклиф қилишди. Бироқ Сарри бу вариантдан бош тортди, чунки у фаолиятидан қисқа танаффус қилмоқчи.
Нуну Санту ҳозирда "Ноттингем Форест" бош мураббийи. Англия чемпионатининг 29-туридан сўнг жамоа 21 очко жамғариб, турнир жадвалида 18-ўринда бормоқда.
