"Манчестер Сити"нинг норвегиялик ҳужумчиси Эрлинг Холанд 2022 йилнинг ёзида бошқа клубга ўтиши мумкин эди. Mundo Deportivo хабарига кўра, "Барселона" скандинавиялик футболчини ўз сафига қўшиб олмоқчи бўлган.
Томонлар 2022 йилнинг баҳорида музокара ўтказишган. Эрлинг фаолиятини давом эттиришнинг бу вариантидан мамнун эди, бироқ “Барселона”нинг молиявий муаммолари туфайли келишув амалга ошмай қолди.
Натижада каталонияликлар поляк Роберт Левандовски билан шартнома имзолади ва норвегиялик футболчи "Манчестер Сити"га ўтди.