Антонио Рюдигер немис журналистини судга берди.
Журналист Хулиан Рейхелт "Реал Мадрид" ва Германия терма жамоаси ҳимоячиси жойлаган суратга изоҳ бериб, футболчи ИШИД билан боғлиқ ишорани кўрсатганини айтди.
"Антонио Рюдигернинг исломий саломини ҳар бир киши кўрди. Германия Конституциясини ҳимоя қилиш федерал идораси бу ишорани “ИШИДга йўналтирилган бармоқ” деб атайди", — деб ёзди Рейхелт ижтимоий тармоқда.
Эслатиб ўтамиз, мазкур сурат Рюдигер томонидан Рамазон ойининг бошланиши шарафига жойлаштирилганди. У шундай деб ёзган эди: “Аллоҳ тутган рўзаларимизни ва ибодатларимизни қабул қилсин”.
