Португалиялик мураббий Жозе Моуриньо "Рома"даги ютуқлари билан мақтанди.
2022 йилда жамоа Конференциялар лигасида ғолиб чиққан бўлса, 2023 йилда эса Европа Лигаси финалига чиқди ва у ерда "Севилья"га мағлуб бўлди.
"Сўнгги икки йил ичида икки марта еврокубок финалида майдонга тушган ягона мураббий эканлигимдан фахрланаман. Одатда, топ-мураббийлар финалга чиқиш имконияти кўпроқ бўлган топ-жамоаларни бошқаради. Бу ўзига хос нарса эди", - деди Моуриньо.
Эслатиб ўтамиз, Жозе Моуриньо январ ойида "Рома"дан ҳайдалганди. Сабаби жамоанинг Италия чемпионатидаги ёмон натижалари.
