"Ювентус"нинг собиқ футболчиси Клаудио Маркизио "Интер" ва Италия терма жамоаси ярим ҳимоячиси Николо Барелланинг савиясига баҳо берди.
27 ёшли футболчи яқинда "адзурра" сафида илк бор сардорлик боғичида ўйнади. Эквадорга қарши ўртоқлик учрашувида ярим ҳимоячи гол урди (2:0).
“Барелла энг юқори даражада, лекин ривожланишда давом этмоқда. У дунёнинг энг яхши ярим ҳимоячиларидан бири эканлигини тасдиқлайди.
Унинг Эквадор дарвозасига урган голи ҳақиқий чемпионларни белгилаб берувчи совуққонликни таъкидлайди. Бундай маҳоратга эга футболчиларни камдан-кам учратиш мумкин”, деди Маркизио Radio Serie A нашрига.
