Грузия терма жамоаси Тбилисида Греция терма жамоасини пенальтилар сериясида мағлуб этди (0:0, 4:2) ва Германияда бўлиб ўтадиган Евро-2024 мусобақасига йўлланма олди. Грузия жамоасининг йирик футбол форумида пайдо бўлиши ушбу мамлакат миллий терма жамоаси тарихида мустақилликдан кейинги биринчи воқеа бўлди.
Бунгача Грузия терма жамоаси етти марта жаҳон чемпионатига, етти марта Европа чемпионатига йўлланмани қўлга киритишга уринган, бироқ 1996 йилдан буён барча уринишлар муваффақиятсизликка учраган. Ниҳоят, 15-уриниш муваффақиятли бўлди.
Эслатиб ўтамиз, Еврода грузинлар F гуруҳида Туркия, Чехия ва Португалия билан бир гуруҳда ўйнайди.
