"ПСЖ" ҳужумчиси Килиан Мбаппе Франция терма жамоасининг энг яхши ассистентлари рейтингида афсонавий Тьерри Анрини билан тенглашди.
Парижликлар етакчиси Чили терма жамоасига қарши кечган ўртоқлик учрашувининг 19-дақиқасида Юсуф Фофанага голли узатмани амалга оширди. Франция терма жамоаси матбуот хизмати хабарига кўра, Мбаппе эндиликда “уч ранглилар” сафида 27 та голли узатмани амалга оширган.
Килиан Мбаппе Франция терма жамоаси тўпурарлари рўйхатида (46 та гол) ўша Тьерри Анри (51) ва Оливе Жирудан (56) кейин учинчи ўринни эгаллаб турибди.