"Бавария" ярим ҳимоячиси Леон Горецка "Ювентус"нинг трансфер мақсадлари орасида қолмоқда. Турин клубининг немис футболчисига қизиқиш билдираётгани ҳақидаги маълумотлар ўтган йили пайдо бўлган ва ярим ҳимоячининг Италияга кўчиб ўтиши ҳам қишки трансфер ойнаси ёпилгандан кейин хабар қилинган эди.

Football Italia хабарига кўра, "Ювентус" Горецкани кузатишда давом этмоқда. Клуб скаутлари 29 ёшли футболчининг ўйинини ўрганиш учун Мюнхендаги ўйинларга ташриф буюришган.

Манбанинг қайд этишича, юқори рақобат туфайли битимни якунлаш осон бўлмайди. Футболчининг "Бавария" билан шартномаси 2026 йилгача мўлжалланган.