"Манчестер Сити" ҳужумчиси Эрлин Холанд фаолиятини "Барселона"да давом эттириши мумкин, деб хабар беради Mundo Deportivo нашри.

Манбага кўра, каталонияликлар 23 ёшли норвегиялик футболчига қизиқишда давом этмоқда. "Барселона" молиявий муаммоларини 2025 йилгача ҳал қилмоқчи, бу эса клубга Холандни сотиб олиш учун катта маблағ сарфлаш имконини беради. Ҳужумчининг "Манчестер Сити"ни тарк этиши инглиз клубига молиявий фэйр-плей қоидаларини бузганлик учун санкциялардан қочишга ҳам ёрдам бериши мумкин.

Холанднинг ўзи "Барселона"га ўтишга қарши эмаслигини, шу жумладан Килиан Мбаппе трансферидан кейин "Реал"га қаршилик кўрсатишини айтди.

Жорий мавсумда Холанд 34 та ўйинда майдонга тушиб, 29 та гол урди ва 6 та голли узатмани амалга оширди. Transfermarkt портали футболчининг нархини 180 миллион еврога баҳоламоқда.