"Манчестер Юнайтед" Каземиро ўрнига ҳимоячи ярим ҳимоячи топди. Эслатиб ўтамиз, бразилиялик футболчи ёзги трансфер ойнасида жамоани тарк этиши мумкин.
Sport нашри хабарига кўра, "манкунианликлар" "Вулверхэмптон"дан Жоау Гомесга кўз тикишган. 23 ёшли ярим ҳимоячи Англия Премьер-лигасида иккинчи мавсумини ўтказмоқда ва ўзининг ўйини билан "Манчестер Юнайтед" раҳбариятида яхши таассурот қолдирмоқда.
Жорий мавсумда Гомес Англия чемпионатида иккита гол урди ва битта голли узатмани амалга оширди. Бразилиялик футболчини Transfermarkt 28 миллион еврога баҳолаган. Ярим ҳимоячи хизматларига "Ливерпуль" ва Лондоннинг "Арсенал" клублари ҳам қизиқиш билдираётгани ҳақида аввалроқ хабар берилган эди.
