Осиё Чемпионлар лигасининг ярим финалидан ўрин олган «Ал-Айн» – «Ал-Ҳилол» учрашувида ишлаш учун иорданиялик ҳакамлар жамоаси тайинлов олди. Қувонарли жиҳати, мусобақанинг ушбу ҳал қилувчи баҳсларидан бирига бир нафар видео ассистентимиз ҳам жалб этилди.

БААнинг Ал-Айн шаҳрида ўтадиган учрашувни бошқариш вазифаси Адҳам Муҳаммадга ишониб топширилди. Унга қанотларда ҳамюртлари Муҳаммад Мустафо ва Аҳмад Муаннас ёрдам берса, малайзиялик Назми Насаруддин захира ҳаками вазифасини бажаради. ВАР ҳакамлари сифатида эса вакилимиз Раҳимбек Каримов ҳамда сингапурлик Муҳаммад Тоқи рўйхатдан жой олган.

Қуйида ушбу учрашув маълумотлари билан танишинг:

Осиё Чемпионлар лигаси, ярим финал
«Ал-Айн» (БАА) – «Ал-Ҳилол» (Саудия Арабистони)
16.04.2024 | 21:00
Ҳакамлар: Адҳам Муҳаммад, Муҳаммад Мустафо, Аҳмад Муаннас (барчаси — Иордания), Назми Насаруддин (Малайзия).
ВАР: Раҳимбек Каримов (Ўзбекистон)
АВАР: Муҳаммад Тоқи (Сингапур).