Мадриднинг “Реал” клуби уч футболчиси билан шартномани узайтиради.
Олдинроқ Мадрид клуби ярим ҳимоячи Тони Кроос билан шартномани 2025 йилгача узайтириши ҳақида маълумотлар пайдо бўлганди.
Бундан ташқари, AS нашри хабарига кўра, яна икки футболчи - Начо Фернандес ва Лукас Васкес билан шартномани узайтириш режалаштирилган.
Ҳар учала футболчи билан шартнома имзолангани келаси ҳафта расман эълон қилиниши керак.
Начо ва Васкес ҳам клуб билан шартномаларини бир мавсумга узайтиради.
Начо жорий мавсумда “Реал” сафида Ла Лигада 21 та ўйинда майдонга тушди. Васкес 22 та ўйинда майдонга тушиб, 1 та гол ва 3 та голли узатмани амалга оширди.
