“Милан” ярим ҳимоячиси Исмоил Беннасер Лондоннинг “Арсенал” клубига қайтиши мумкин.
“Россонерилар” агар жазоирлик футболчи учун тахминан 50 миллион евро таклиф қилинса, ёзда уни сотиш имкониятини кўриб чиқишга тайёр, дея хабар беради Calciomercato. Манбага кўра, 26 ёшли футболчига Саудия Арабистони клублари ҳам қизиқиш билдирмоқда, аммо 2015 йилдан 2017 йилгача унга эгалик қилган "Арсенал" ярим ҳимоячига асосий даъвогар сифатида кўрилмоқда.
Исмоил Беннасер "канонирлар"нинг асосий таркибида фақат битта ўйин ўтказди. 2017 йилнинг августида у "Эмполи"га 1 миллион еврога сотилди, икки йилдан сўнг эса 17 миллионга "Милан"га ўтди. Transfermarkt портали футболчининг ҳозирги қийматини 35 миллион еврога баҳоламоқда.
