"ПСЖ" президенти Носир Ал-Хелайфий жамоанинг португалиялик футболчилари ҳақида гапирди.

Сўнгги йилларда парижликлар тез-тез португалиялик футболчиларни ўз сафларига қўшиб олишни одат қилишди, бу эса, афтидан, клубда трансфер масалалари билан шуғулланувчи Луиш Кампушнинг борлиги билан бевосита боғлиқ.

“Мен Гонсалу Рамуш, Витинья, Данилу Перейра ва Нуну Мендеш, шунингдек, директоримиз Луиш Кампушдан жуда мамнунман.

Уларнинг барчаси клубимиз вакили эканлигидан фахрланаман. Португалия футбол учун ажойиб мамлакат ва ҳар доим кўплаб иқтидорли футболчиларга эга”, - дея Носир ал-Хелайфий сўзларини келтиради журналист Фабрицио Романо.