"PSJ" prezidenti Nosir Al-Xelayfiy jamoaning portugaliyalik futbolchilari haqida gapirdi.

So‘nggi yillarda parijliklar tez-tez portugaliyalik futbolchilarni o‘z saflariga qo‘shib olishni odat qilishdi, bu esa, aftidan, klubda transfer masalalari bilan shug‘ullanuvchi Luish Kampushning borligi bilan bevosita bog‘liq.

“Men Gonsalu Ramush, Vitinya, Danilu Pereyra va Nunu Mendesh, shuningdek, direktorimiz Luish Kampushdan juda mamnunman.

Ularning barchasi klubimiz vakili ekanligidan faxrlanaman. Portugaliya futbol uchun ajoyib mamlakat va har doim ko‘plab iqtidorli futbolchilarga ega”, - deya Nosir al-Xelayfiy so‘zlarini keltiradi jurnalist Fabrisio Romano.